ഭവന വായ്പകളില് ഇളവ് പ്രഖ്യാപിച്ച് സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ).ഈ മാസം മുതല് 2023 ജനുവരി 31 വരെയുള്ള ഭവന വായ്പകളില് 15 ബേസിസ് പോയിന്റ് മുതല് 30 ബേസിസ് പോയിന്റ് വരെ ഇളവാണ് എസ്ബിഐ വാഗ്ദാനം ചെയ്യുന്നത്. സാധരണ 8.55 ശതമാനം മുതല് 9.05 ശതമാനം വരെയാണ് എസ്ബിഐയുടെ ഭാവന വായ്പയുടെ പലിശ നിരക്ക്. എന്നാല് ഉത്സവ സീസണില് ഇത് 8.40 ശതമാനം വരെ ആയിരിക്കും.
സിബില് സ്കോര് അനുസരിച്ച് ആയിരിക്കും ഭവന വായ്പയുടെ കിഴിവ് ലഭിക്കുക. 800-നേക്കാള് കൂടുതലോ അതിന് തുല്യമോ ആയ സിബില് സ്കോര് ഉള്ള വായ്പക്കാര്ക്ക് ബാങ്ക് 8.40 ശതമാനം പലിശ നിരക്ക് വാഗ്ദാനം ചെയ്യുന്നു. ഇത് 8.55 ശതമാനം എന്ന സാധാരണ നിരക്കിനെ അപേക്ഷിച്ച് 15 ബേസിസ് പോയിന്റ് കുറവാണ്. കൂടാതെ, 750 മുതല് 799 വരെ ക്രെഡിറ്റ് സ്കോര് ഉള്ള വായ്പക്കാര്ക്ക് സാധാരണ നിരക്കായ 8.65 നെക്കാള് 25 ബേസിസ് പോയിന്റ് ഇളവോടെ 8.40 ശതമാനം പലിശ നിരക്ക് അനുവദിക്കുന്നു. അതേസമയം, 700 മുതല് 749 വരെ സിബില് സ്കോര് ഉള്ള വായ്പക്കാര്ക്ക് സാധരണ ഭവന വായ്പയുടെ പലിശ നിരക്ക് 8.75 ശതമാനം ആണ്. എന്നാല് ഉത്സവ സീസണില് എസ്ബിഐ 20 ബേസിസ് പോയിന്റുകളുടെ ഇളവ് നല്കുന്നു. 8.55% ശതമാനമാണ് ഈ കാലയളവിലെ പലിശ നിരക്ക്. ഒന്ന് മുതല് 699 വരെ ക്രെഡിറ്റ് സ്കോറുകളുള്ള വായ്പക്കാര്ക്ക് ഭവനവായ്പയുടെ പലിശ നിരക്കില് മാറ്റമില്ല.
ഭവനവായ്പ്പക്ക് ഇളവ് നല്കി എസ്ബിഐ
