ഉയര്ന്ന പലിശനിരക്കുമായി ഫെഡറല് ബാങ്ക് പുതിയ എന്. ആര്. ഇ നിക്ഷേപ പദ്ധതി അവതരിപ്പിച്ചു. ഡെപ്പോസിറ്റ് പ്ളസ് എന്നറിയപ്പെടുന്ന പദ്ധതിയില് 700 ദിവസക്കാലയളവില് പരമാവധി 7.50 ശതമാനം പലിശ ലഭിക്കും. എന്.ആര്. ഐ നിക്ഷേപകര്ക്ക് ടാക്സ് ഒഴിവാക്കുന്നതിന് ഉപകരിക്കുന്ന നിക്ഷേപ പദ്ധതിയാണിത്. നിക്ഷേപങ്ങളില് നിന്നുള്ള പലിശ മുതലിനോട് ത്രൈമാസ വ്യവസ്ഥയില് ചേര്ക്കും. കാലാവധി തികയുന്നതിന് മുന്പേ ക്ളോസ് ചെയ്യാന് കഴിയില്ലെങ്കിലും നിക്ഷേപത്തിന്റെ 75 ശതമാനം പിന്വലിക്കാനുള്ള സൗകര്യമുണ്ട്.
Tag: interest rate
സ്ഥിരനിക്ഷേപത്തിന്റെ പലിശ ഉയര്ത്തി ബാങ്കുകള്
റിപ്പോ നിരക്ക് വര്ധനവിന് ആനുപാതികമായി ബാങ്കുകളും നിക്ഷേപ പലിശ ഉയര്ത്തി തുടങ്ങി. പൊതുമേഖലയിലെയും സ്വകാര്യ മേഖലയിലെയും വന്കിട ബാങ്കുകള് നേരിയതോതിലാണ് വര്ധന പ്രഖ്യാപിച്ചതെങ്കില് ചെറുകിട ബാങ്കുകള് എട്ടുശതമാനത്തിന് മുകളിലേയ്ക്ക് പലിശ ഉയര്ത്തി. സഹകരണ ബാങ്കുകളും നിക്ഷേപ പലിശ വര്ധിപ്പിച്ചു. സ്മോള് ഫിനാന്സ് ബാങ്കായ ഫിന്കെയര് മുതിര്ന്ന പൗരന്മാര്ക്ക് 1000 ദിവസത്തെ സ്ഥിര നിക്ഷേപത്തിന് 8.25ശതമാനം പലിശയാണ് വാഗ്ദാനം ചെയ്യുന്നത്. മറ്റുള്ളവര്ക്ക് 7.75ശതമാനവും പലിശ ലഭിക്കും. ഇക്വിറ്റാസ് സ്മോള് ഫിനാന്സ് ബാങ്ക് ആകട്ടെ 888 ദിവസത്തെ നിക്ഷേപത്തിന് 7.50ശതമാനം പലിശ നല്കും. മുതിര്ന്ന പൗരന്മാര്ക്കാകട്ടെ അര ശതമാനം അധിക പലിശ വാഗ്ദാനം ചെയ്യുന്നുണ്ട്. ഇസാഫ് സ്മോള് ഫിനാന്സ് ബാങ്ക് രണ്ടു വര്ഷത്തിന് മുകളില് മൂന്നു വര്ഷംവരെയുള്ള സ്ഥിര നിക്ഷേപത്തിന് 7.25ശതമാനം പലിശയാണ് നല്കുന്നത്. മുതിര്ന്ന പൗരന്മാര്ക്ക് 7.75ശതമാനം പലിശയും ലഭിക്കും. കേരളത്തിലെ സഹകരണ മേഖലയിലയില് മുക്കാല് ശതമാനംവരെയാണ് പലിശ…
പലിശ നിരക്കുകള് ഉയരും; റിപ്പോ 0.50%കൂട്ടി
ആഗോള പണപ്പെരുപ്പത്തെ മറികടക്കാന് മറ്റു രാജ്യങ്ങളിലെ കേന്ദ്ര ബാങ്കുകള്ക്കൊപ്പം റിസര്വ് ബാങ്കും. പണപ്പെരുപ്പം ഉയര്ന്നു നില്ക്കുന്നതിനാല് തുടര്ച്ചയായി നാലാംതവണയാണ് നിരക്ക് ഉയര്ത്തുന്നത്. പ്രതീക്ഷിച്ചതുപോലെ ഇത്തവണയും റിപ്പോ നിരക്ക് 0.50ശതമാനമാണ് വര്ധിപ്പിച്ചത്. ഇതോടെ, ബാങ്കുകള്ക്ക് ഹ്രസ്വകലായളവില് നല്കുന്ന വായ്പയായ റിപ്പോ 5.90ശതമാനമായി. വിപണിയിലെ പണലഭ്യത നിയന്ത്രിക്കുന്നതിന്റെ ഭാഗമായി മാര്ജിനല് സ്റ്റാന്ഡിങ് ഫെസിലിറ്റി(എംഎസ്എഫ്) 5.65ശതമാനത്തില്നിന്ന് 6.15ശതമാനമായും സ്റ്റാന്ഡിങ് ഡെപ്പോസിറ്റ് ഫെസിലിറ്റി(എസ്ഡിഎഫ്)നിരക്ക് 5.15ശതമാനത്തില്നിന്ന് 5.65ശതമാനമായും പരിഷ്കരിച്ചു. 2022-23 സാമ്പത്തിക വര്ഷം പ്രതീക്ഷിക്കുന്ന വളര്ച്ച 7.2ശതമാനത്തില്നിന്ന് ഏഴു ശതമാനമായി കുറച്ചതായി റിസര്വ് ബാങ്ക് ഗവര്ണര് ശക്തികാന്ത ദാസ് വാര്ത്ത സമ്മേളനത്തില് പറഞ്ഞു. നടപ്പ് വര്ഷത്ത രണ്ടാം പാദത്തില് 6.3ശതമാനമാണ് വളര്ച്ച. മൂന്നാം പാദത്തില് 4.6ശതമാനവും നാലാം പാദത്തില് 4.6ശതാനവുമാണ് പ്രതീക്ഷിക്കുന്ന വളര്ച്ച. അടുത്ത സാമ്പത്തിക വര്ഷം ആദ്യപാദത്തില് ജിഡിപി 7.2ശതമാനമായി ഉയരുമെന്നും ആര്ബിഐ അനുമാനിക്കുന്നു. നടപ്പു വര്ഷത്തെ പണപ്പെരുപ്പ അനുമാനം 6.7ശതമാനമായി നിലനിര്ത്തിയിട്ടുണ്ട്.…