ഇന്ത്യന്‍ നിര്‍മ്മിത വിദേശ മദ്യം നിര്‍മ്മാതാക്കളായ റാഡിക്കോ ഖൈതാന്‍ ലിമിറ്റഡ് മാജിക് മൊമെന്റിന്റെ പുതിയ കോക്ടെയ്ല്‍ മിക്‌സുകള്‍ പുറത്തിറക്കി. 4.8 ശതമാനം ആല്‍ക്കഹോള്‍ അടങ്ങിയ വോഡ്ക കോക്ക്‌ടെയിലുകള്‍ ആണ് പുതിയ രുചികളില്‍ മിനി ക്യാനുകളില്‍ പുറത്തിറക്കിയിരിക്കുന്നത്. കോസ്മോപൊളിറ്റന്‍, കോള, മോജിറ്റോ എന്നീ മൂന്ന് വേരിയന്റുകള്‍ നിര്‍മ്മിക്കുമെന്ന് കമ്പനി അറിയിച്ചു. കര്‍ണാടക, ഗോവ, മഹാരാഷ്ട്ര, ദാമന്‍ ആന്‍ഡ് ദിയു എന്നിവിടങ്ങളില്‍ അടുത്ത മാസത്തോടെ ഉല്‍പ്പന്നങ്ങള്‍ എത്തും.
റെഡി-ടു-ഡ്രിങ്ക് ഉല്‍പ്പന്നങ്ങളോടുള്ള ഉപഭോക്താക്കളുടെ താല്പര്യം കണക്കിലെടുത്താണ് പുതിയ വേരിയന്റുകള്‍ വിപണിയില്‍ ഇറക്കിയതെന്ന് കമ്പനിയുടെ ചീഫ് ഓപ്പറേറ്റിംഗ് ഓഫീസര്‍ അമര്‍ സിന്‍ഹ പറഞ്ഞു. ആല്‍ക്കഹോള്‍ കുറഞ്ഞ അളവിലുള്ള കോക്ടില്‍ പാനീയങ്ങള്‍ കുറവായിരുന്നു ഉണ്ടായിരുന്നത് അത് നികത്താനാണ് കമ്പനി ശ്രമിച്ചിട്ടുള്ളത്.
