ആമസോണ്‍ ഫുഡ് 2022 വര്‍ഷാവസാനത്തോടെ പ്രവര്‍ത്തനം അവസാനിപ്പിക്കും. ആമസോണ്‍ ഇന്ത്യയുടെ ഭക്ഷ്യവിതരണ സേവന വിഭാഗമാണ് ആമസൗണ്‍ ഫുഡ്.സ്വിഗ്ഗി, സൊമാറ്റോ എന്നീ കമ്പനികള്‍ക്ക് എതിരാളിയായിട്ടായിരുന്നു ആമസോണ്‍ ഫുഡ് ഈ വര്‍ഷം ഇന്ത്യയില്‍ പ്രവര്‍ത്തനം തുടങ്ങിയത്. ഡിസംബര്‍ 29 മുതല്‍ സര്‍വീസ് അവസാനിപ്പിക്കുമെന്നാണ് കമ്പനി അറിയിച്ചിരിക്കുന്നത്. വര്‍ഷാവസാന പദ്ധതി ആസൂത്രണ അവലോകനത്തിലാണ് കമ്പനിയുടെ പുതിയ നീക്കം. ഓണ്‍ലൈന്‍ ഷോപ്പിംഗ് സേവനങ്ങളില്‍ കൂടുതല്‍ ശ്രദ്ധ കേന്ദ്രീകരിക്കുമെന്ന് കമ്പനി വക്താവ് അറിയിച്ചു.
